المغاربة نساو شكون هوما !!

للاسف المغربي نسا شكون هو اش كتعني انك تكون مغربي نسى هويتو ارتباطو بالارض والوطن هادشي نتج عليه جيل ماعارف والو على بلادو تاريخو واصلو هادشي لي سهل فصنع جيل يجيد جلد ذات و كل ما هو مغربي وتطبيل لجهات خارجية سواء غربية او شرقية ( تركية - خليجية ) ... بزاف ديال المغاربة ليوم كيعوشو معانا باجسادهم هنا وعقولهم 4000 كلم شرقا كدافع على سلطان مزعوم على سبيل المثال فالمغربي اليوم مكيحسش بان بلاد ديالو وهادشي لي كيبين كيفاش ان ببساطة ممكن يرمي زبل فالزنقة حيت مكيعتبرهاش ديالو بل ديال دولة فوقت لي كينقي المنزل ديالو ويتهلا فيه حيت ديالو . وهادشي راجع لسنوات ديال تشويه الهوية المغربية وتقسيم المغاربة لخليط كما كنلاقاو فدستور لي كيقول ان الهوية الوطنية ديال المغرب الموحدة بانصهار مكوناتها العربية الإسلامية، والأمازيغية، والصحراوية الحسانية، والغنية بروافدها الإفريقية والأندلسية والعبرية والمتوسطية في الوقت لي المغاربة عمرهم كانو خليط وعرمهم ماكانمو كيحتاجو للانسجام حيت ديما كنا شعب واحد متجانس هوياتيا وجينيا من 15 الف سنة لي كتنفي اي اندماج مع شعوب اخرى للاسف اي مغربي ليوم غاتسولو شكون نتا كمغربي غاتفجئ للجواب واغلب مغاربة الى عصرتيهم بسؤال فغايجوبوك ان جدودي جاو من اليمن او حجاز حيت ا>ا افترضنا جدلا ان هادشي صحيح ( رغم انه عكس ذالك ) الى ان الانسان لي "جاو" جدودو هادي 10 قرون وهوم يتسوطنون هاته الارض الى انه مزال لا يجد نفس مغربيا حقيقيا ودغيا كينسب راسو للمشرق بسهولة وكمثال منين منذ طفولتنا وحنا كنسمعو كلمة 12 قرن كان المغرب تاريخاي خلق بعد مجيئ ادريس الاول في وقت ان جيل على قدو لا يعرف شيئ عن بورغواطة ونكور ومملكة موريطانية و الملوك باكا الشاب المغربي مكيعرفش تاتير الثقافي المغربي على اليونان مكيعرفش تاتير المغرب الكامل على الاندلس مكيعرفش ميسرة المدغري مكيعرفش قوة المرابطين والموحدين و السعدين والعلوين ميكعرفش شراسة المغربي فاش كتقاس ارضو وهويتو ولغتو هادشي كامل تسنا بساب الالة الاعلامية الخاريجة ولينا نشوفو شباب مغربي مستاء حيت المغرب قام بتعديل اتفاقية التبادل الحر مع تركيا تركيا كدولة صديقة عندهة الة العلامية قوية قادرة بسهولة تجر لعندها الشبابا الغير واعي والعزف على وتري العاطفة والجهل لي صنع انسان مسلوخ الهوية يقدر ببساطة يسبق بلاد اجنبية على بلادو الخلاصة رجعو اللجيل القادم هويتهم وتامغربيت ديالهم وغاتشوفو المغرب اخر ان شاء الله